注意！早前已經參加五一懲罰祭嘅商戶，不用重複登記 立即加入！
🔍Kubrick Cafe 📍 油麻地眾坊3號駿發花園H2地舖 夏天約人去街又唔想流汗，有咩好做喎🤑睇場戲啦！舒舒服服又刺激腦袋思考，不失為一個好選擇😇但係唔係個個戲院都有咁多戲揀，有內涵嘅油麻地百老匯戲院就特別多小眾電影，睇完再直接食個飯，1秒都唔使逗留喺室外😚 紅酒汁溫泉蛋牛肋條意粉💰98💰（8.2/10） 呢個係午市套餐，會跟埋南瓜湯🤩份量都幾大，而且牛肋條明顯同紅酒汁一齊煮過一段時間，入味兼軟淋嘅😳主要嘅醬係濃縮嘅羅宋湯，有唔少蔬菜，加埋巴馬臣芝士同意粉非常夾😇 香煎龍利柳配南瓜泥💰98💰（7.8/10） 呢個餐就比較啱一啲收緊身嘅朋友😎 龍利柳本身已經比較低卡，再加埋健康嘅南瓜做澱粉，主要係食佢嘅食材原味，比較清淡🥰不過份量就唔係好大，未必夠飽😬 🍽 餓底小tips🗣 呢間餐廳長期都冇乜人，可以坐好耐🤤跟餐嗌左杯薑汁咖啡，都幾特別！ 商業合作請電郵： info@meeapp.com
🔍 章魚燒大師 📍 屯門雅都商場Go Go Mall 1樓S67號舖 有去過巴倫紐睇戲嘅大家，應該都有去雅都醫過肚😝原來而家上面有個新food court，好多間唔同嘅食店🤯位於轉角位嘅章魚燒十分搶眼，而且好香🥰見佢都幾抵，忍唔住買咗一set食✨ 餓底小tips🗣 仲有大蔥口味，似吸引！💛 商業合作請電郵： info@meeapp.com
🔍 燒烤堂 📍 尖沙咀厚福街12號藍馬商業大廈5樓 📍旺角長沙街2號地舖 📍銅鑼灣登龍街28號永光中心15樓 細細個唔識諗，每次有人提議食串燒都唔制，覺得一串串咁嗌好貴，不如食放題😿人大左有搵錢嘅能力，先至知道原來好食嘅串燒係高質過放題咁多😋今次去試呢間每一款都令我好滿意，三間分店都係極方便嘅地方，推薦大家去試😎邊食邊飲啤酒仲要買一送一！ 鹽燒A4宮崎和牛💰58💰（8.2/10） 咁多款肉入邊，和牛係永遠唔會令我失望🥳唔需要太多調味，唔需要同其他配菜一齊煮，好簡單切到一粒粒，加少少海鹽😚一放入口已經十分驚豔！牛味好濃完全唔會難咬，聞落仲好香添！ 焦糖鰻魚芝士玉子燒💰28💰 （8.5/10） 玉子燒可以話係日本菜入邊嘅必嗌小食😆平時大多數都係無餡嘅，呢個有厚肉嘅鰻魚夾係中間！🥸入邊甜甜地嘅蒲燒汁同出面嘅蛋好夾，仲要面頭有一層焦糖燉蛋嗰隻薄脆，成道菜鹹鹹甜甜，好豐富😚留意番28蚊係一件😋 芥末汁燒雞肉串💰18💰（8.6/10） 雞肉都好蝦人煮，要做到肉嫩但入邊又要熟唔簡單😛呢個就燒得啱啱好！完全無急凍味非常彈牙，面頭仲要有即磨嘅芥末，睇落去好似好大攻擊性，但其實唔算太搶喉，呢個配搭好新鮮😚 🍽 黑糖燒菠蘿💰20💰（8.5/10） 食到最後一定要有個甜品🤣菠蘿係佢哋嘅手本名菜😳一條過切開大概五件😎兩面都燒咗一層黑糖，同菠蘿汁嘅酸強烈嘅衝擊，而且唔會有渣，微微暖好好食！ 餓底小tips🗣 其實另外仲食咗好多嘢，例如係豚肉荔枝卷、牛舌、雞泡魚干等等🙈建議如果係兩個人黎，可以每樣要一串，試過好食先encore都得😳 商業合作請電郵： info@meeapp.com
🔍 韓家 📍 觀塘駿業街56號中海日升中心1樓G號舖 差唔多係一年半之前，小編曾經介紹過呢間鋪嘅炸雞放題，仲拍左條片（有睇過嘅請比讚）🤑但係午餐無理由食任食啦，佢嘅lunch set都好大碟，而且咁近工廠區，好方便各位😇最重要係咩，大大隻連豬文宣經歷咗咁多風雨仲健在！ 韓式牛肉炒粉絲💰72💰（8.0/10） 係咁多款炒麵入邊，炒粉絲算係我嘅no.1🤩因為佢索汁非常強，同埋有煙韌感，同蘿蔔絲、洋蔥&芽菜等等有個對比😳牛肉份量都有返咁上下，加埋隻太陽蛋，整體唔會太油，又夠味😇 韓式炸雞💰+18💰（8.2/10） 無得食放題但都想食兩三件過吓口癮🤣只要加$18就有三件，試咗甜辣同柚子蜜，feel到係有誠意嘅，熱辣辣大大件，兩個人share啱啱好😎 鹽燒三層肉部隊鍋💰68💰（7.7/10） 完完全全係致癌組合😂不過越邪惡我越鍾意！三層肉其實就係薄切午花肉，覺得佢醬燒煮會好食啲，放湯其實存在感唔高🙈不過呢碗勝在料多，午餐肉、廚師腸、年糕、芝士、拉麵都有🤤唔會超級辣，滿足到打邊爐嘅慾望😆 🍽 餓底小tips🗣 另外仲嗌咗個炒年糕，係有少少失準，年糕勁淋🥲希望下次會改善下🤤 黃店韓國菜🇰🇷極主觀排行榜📈 🥇outdark 🥈辛安東元祖奶奶雞 🥉 Hungry Korean 🎗韓家-韓國家庭料理 🎗堅韓牛 🎗nenechicken 商業合作請電郵： info@meeapp.com
🔍 BYOB 📍 屯門青桃徑5號文翔大廈地下2A號舖 好少餐廳我係會一直心掛掛，但自從之前試過佢嘅墨魚汁意大利粉🤑我就一直不能忘記😇每次入屯門都好期待再去食，佢嘅西餐真係好啱我胃口😳 蕃茄忌廉蟹肉闊條麵💰88💰（8.8/10） 碟上面嘅蟹籽多到痴咗線，差唔多有三件蟹籽軍艦上面嘅份量🤩每一條闊條麵都包住濃郁嘅蕃茄汁，酸甜度掌握得啱啱好😳最令我感覺大滿足嘅係有好多忌廉蟹肉，加埋大蝦超級鮮味😇 水牛城雞翼💰48💰（8.8/10） 佢真係太抵食了，平時去餐廳嗌雞翼，通常係得手指尾咁大，冇乜肉🤣佢哋用嘅雞翼全部都係XXL size，我咁講係我食過最大隻嘅雞翼😎一份有五隻，全部都輕輕炸過之後包裹上超開胃嘅水牛城汁，同入邊嘅雞肉融為一體，必試！ 藍青口芫荽意粉💰88💰（7.7/10） 係我唔啱嘅，唔係芫荽控又走去挑戰😂成件事真係好荽🙈意粉同芫荽一齊炒係香嘅，不過我個人唔太好乾意粉，覺得唔係好夠味😳青口同個意粉好似係兩件事，唔係太融合到🙈不過佢青口都超級多，圍住成個碟😆都係水準以上㗎啦！ 🍽 餓底小tips🗣 雖然意粉已經好好食，但其實老細嘅專長係咖啡😆仲有出自家烘焙嘅咖啡豆，最近仲喺良景（jep 旁邊）開咗分店🤤大家假日可以去chill chill! 商業合作請電郵： info@meeapp.com
🔍Sean Cafe and Lounge 📍銅鑼灣謝斐道Tower 535 G01地下 適逢呢排one & all開show，介紹吓姜濤灣(p.s. helloss) 最IGable嘅花花Sean Cafe😎佢開業三週年迎來餐牌大翻身🙈唔止之前介紹過嘅三層下午茶，仲有齊西餐廳應有嘅嘢🥳無鏡仔喺身邊，晚市堂食都可以浪漫一下！ 芝士忌廉蟹鉗肉燴飯💰168💰 （8.3/10） 厚厚的蟹鉗肉收埋喺芝士下面😼整體來講好creamy，個汁收得啱啱好，意大利飯粒粒分明有咬口🤍另外仲有啲蘆筍同埋洋蔥，所以唔會好漏😛如果分量再多啲就好 🤩 小食拼盤💰138💰 （8.0/10） 一大盤入邊有好多樣小食，三個人去啱晒可以一人一件🤪煙三文魚多士鹹鹹香香，炸水牛芝士條有嚼頭🤣爆谷雞好似kfc的脆雞粒，雞翼啖啖肉唔使吐骨😎最好食係薯角，好香綿🤍最特別係佢有兩個醬汁，飽和度高啲嗰個係玫瑰味🥳好好食好香！ 蜜糖芥末豬仔脾配雜菜💰198💰（7.6/10） 豬仔脾三條，目測啲肉應該同一隻雞翼差唔多😳可以成條攞住嚟食嘅話係幾過癮🙈不過蜜糖芥末味就唔係好出，好似滲晒落下面嘅椰菜度😆 蒜白酒海蜆意粉💰118💰 （7.3/10） 呢個炒意粉相對比較乾身，酒味唔係太出🙈如果落多啲鹽會更理想🤣 商業合作請電郵： info@meeapp.com
🔍味山田 📍觀塘成業街7號東廣場地下G08 舖 喺觀塘工作嘅大家，一定成日都處於極高壓嘅環境🥲咁多人一齊逼，最想嘅就係快快趣🤤黃店林立嘅東廣場入邊，就有一間可以滿足到呢個呢個要求😝 十分平民嘅一間熟食丼飯，落完單唔夠4分鐘就有得食🥳打拳前醫飽個肚有力作戰！ 滑蛋吉列豬扒飯💰50💰（7.8/10） 雖然個碗唔係好大，不過塊豬扒都叫做蓋得住晒所有飯🥳食落口下熱辣辣嘅唔係炸完擺咗全日嗰種感覺🤩炸粉稍嫌有啲厚，入邊嘅肉都唔算話好滑，不過調味搭救✨滑蛋同埋洋蔥夠鑊氣，令到個炸粉就算厚得來都唔會淡茂茂😝覺得$50都算有交代㗎啦🥳 🥢 黑蒜油豬骨湯叉燒手打烏冬💰56💰（7.3/10） 永遠見到黑蒜油呢個字都會諗出前一丁🤣但似乎今次有啲失手，事關碗野嘅黑色唔止係黑蒜，仲有少少燶味同過鹹🥺但叉燒份量幾足，有成五六塊😛而且烏冬都唔係揸流攤，係讚岐果一種有咬口😳希望店家注意返個湯底就OK啦！ ▫️▫️▫️▫️▫️▫️▫️▫️▫️▫️▫️▫️ 餓底小tips🗣 聽講佢嘅拉麵都唔錯，大家放lunch或者晚飯趕時間都可以一試🙈 ▫️▫️▫️▫️▫️▫️▫️▫️▫️▫️▫️▫️ 商業合作請電郵： info@meeapp.com
Mee 知道有大量有冇未能載入App，未來數天將會推出更新修復此問題。 個App又Load 唔到，介面又Lag⋯⋯睇埋落去你就會明 五一懲罰祭活動已經圓滿結束，感激眾多良心店舖以及Mee會員的參與，同路人透過集體懲罰良心小店的方式，展現了香港人的決心以及行動力。 在懲罰祭活動的一個星期期間，懲罰Mee更超越了「安心出行」，成為了App Store 熱門榜的第一位！ 連同Android 平台，已經有超過28萬人下載使用。 這次對於Mee App 的反應及規模比預期中更大，導致伺服器曾多次出現過載。單單係商戶照片就已經有超過65,000張！眾多位Mee會員亦合共累積超過250,000 Mee分！ 未來，Mee懲罰師團隊將會繼續改善Mee App 的功能，其中有3大目標：1）完善Mee 的Database2）提高載入速度及流暢度3）增加更多功能，包括連結本地消費者以及不同的網上商店 但係展開下一個階段之前，我哋需要兩樣嘢：「補眠同護肝！」 仲需要大家嘅懲罰用戶數量大增，隨之而來的亦是硬件配套開支的上升（eg. Server Cost）https://www.patreon.com/PunishC 大家繼續用 #懲罰Mee，就係對我們最大的鼓勵！
投票已完結！ 第一屆餃子大王競選由 HKers_foodie 揀選16間餃子店以淘汰形式進行。經過一輪激烈競爭後，總決賽以甜記餃子vs好味餃子店在 Mee 懲罰師app 對決進行。一人一票選出餃子大王！ 總決賽投票時間: 5月8號晚上八點至5月9號晚上八點