至少三間黃店，喺噚日發現被貼上惡意抹黑嘅單張，懷疑因為參加今年「#51懲罰祭」，而被人盯上。 雖然幾間黃店好有雅量，都係一笑置之就算，但懲罰師想大家記住，今時今日作為一家願意表明立場嘅商戶，承受嘅壓力絕對唔細。 你可能會覺得，所謂懲罰祭「噱頭嚟嘅啫」，但參與得呢個活動，就等於同全世界講你自己嘅立場，淨係呢樣都勇氣可嘉（係咪個個人都敢同曬親戚同事講自己係黃？），更唔好講被人滋擾都堅持。 當香港再無連儂牆，一張95折poster，會唔會都令街邊行過嘅你，揾返一份處處同路人嘅熟悉感？黃色經濟圈團結一致、互相壯大，就係對手最唔想見到嘅事，所以懲罰祭，一定會搞落去！ 不過我哋只係聯絡統籌，真正頂住騷擾壓力嘅，係打開門做生意嘅每一間黃店，喺度，再一次感謝你哋。 3間被抹黑小店，請大家狠狠懲罰 榮少喇沙 天水圍店｜ meeapp://meeapp.com/shop/2459 屯門店｜ meeapp://meeapp.com/shop/3967 徐記廚房點心 https://meeapp.com/shop/2038 重光弁当 https://meeapp.com/shop/3236
📣 全新Mee自家行李牌；兩件免運費（掛號）
Search
Search